Open Khabar
Before Header

वीर अस्पताबाट न्याय माग्दै सत्याग्रही गंगामाया अधिकारी

सोहन राई
Before Header
भदौ २८, २०७७
 
काठमाडौं – नेपालको सबै भन्दा पुरानो अस्पताल वीर अस्पताललाई सरकारले कोभिड उपचार केन्द्रका रुपमा सञ्चालन गर्ने घोषणा गरेपछि गंगामाया अधिकारीलाई अस्पताल प्रशासनले निस्कन आग्रह गरेको हो। विगत ९ वर्षदेखि वीर अस्पतालमा नै बसेर न्यायका लागि सत्याग्रह गरिरहनु भएकि अधिकारीले आफुलाई अस्पतालले वेवास्ता गरेको भन्दै न्याय मागी रहेकी छिन्।

 

सरकारले वीर अस्पतालमा उपचाररत विरामीहरु लाई ट्रमा सेन्टरमा सार्ने र जति पनि सर्वसाधारणले पाइरहेको सेवा ट्रमा सेन्टरबाट नै उपलब्ध गराउने जानकारी दिनुभएको छ। तर,अहिले सम्म गंगामाया अधिकारीलाई अस्पताल प्रशासनले ट्रमामा नसारेको र आफ्नो बस्ने व्यवस्था नमिलाइदिएको भन्दै गुनासो पोखेकी छिन्।

अस्पतालमा कोभिडका विरामी भर्ना गरेपछि स्वास्थ्यको जोखिम हुने र आफु बस्दै आएको क्याबिनमा कोभिडका विरामी बस्ने भएकाले क्याबिन खाली गर्नुपरेको उनले बताइन्। काठमाडौंमा आफ्नो बस्ने ठाउँ कहिँ कतै नभएको उल्लेख गर्दै अब अस्पतालले उनलाई जहाँ बस्ने व्यवस्था गर्छ त्यही बस्ने बताएकि छिन्।
Bleow Covid

कान्छा छोरा कृष्णप्रसादलाई २०६१ साल चितवनमा माओवादीले निर्ममतापूर्वक हत्या गरेपछि अधिकारी न्यायका लागि सत्याग्रहमा हुनुहुन्छ। छोराका हत्यारालाई कार्वाहीको माग गर्दै अनशनमा बसेकै अवस्थामा ३३४ दिनका दिन २०७१ साल असोज ६ गते उहाँका पति नन्दप्रसाद अधिकारीले प्राण त्यागेका थिए। श्रीमानको मृत्यु भएको ६ वर्षसम्म पनि अन्त्येष्टी हुन नसकेको र अहिलेसम्म पनि कहिँ कतै बाट न्याय प्राप्त नभएकोमा दुःखेसो पोख्दै आफु निरन्तर संघर्ष गरिरहने बताउछिन्।
 
यतिबेला सामाजिक संञ्जालमा गंगामाया अधिकारीको समर्थनमा धेरै समर्थक देखिन्छन। उनको न्यायका लागि धेरै समर्थकले सामाजिक संञ्जाल मार्फत आवाज उठाउदै आइरहेका छन्। गंगामाया माथि षड्यन्त्र रचिएको भन्दै एक सत्याग्रही माथि गर्न लागेको ज्यादतिको प्रतिकार गर्ने जस्ता आवाज उठिरहेको छ। उनको स्वास्थ्य अत्यन्तै कमजोर भएकाले उनलाई नियमित औषधि सेवन र उपचारको माग गरेका छन्। उनका आफन्त तथा समर्थकले गंगामाया बचाउ अभियानको नारा लगाउदै ‘न्यायका लागि मानव अधिकार’ मा समेत निवेदन पेस गरेका छन्।
( फोटो साभार : सामाजिक संञ्जाल )
Before Samachar
थप समाचार

कमेन्ट गर्नुहोस

Your email address will not be published.