Open Khabar
inside Article Bleow Menu Single Page

रोगले सुन्तला उत्पादनमा ह्रास

फाइल तस्बिर
INside Content

पर्वत — अघिल्ला वर्षहरुमा घरबाटै ३ लाख रुपैयाँभन्दा बढीको सुन्तला बिक्री गरेका थिए । यो वर्ष ५० हजार रुपैयाँ पनि आम्दानी नहुने बताउँछन् दाताराम चापागाईं । सुन्तला उत्पादनमा जिल्लाकै मुख्य क्षेत्र मोदी–२ देउपुरकी सत्यदेवी तिमिल्सिनाले पनि यो वर्ष सुन्तला बिक्री गरेर ३० हजार रुपैयाँ पनि आम्दानी नहुने आकलन गरिन् ।फूल फुल्ने र फल पाक्ने बेला रोगको संक्रमण हुँदा पछिल्लो ३ वर्षयता किसान समस्यामा छन् । पाकेको फल धमाधम झरेकाले अहिले बोटमा फलेकोमध्ये २० प्रतिशत मात्रै सुन्तला बचेको किसानहरू बताउँछन् । सुरुमा केही बोटमा देखिएको यो समस्या यो वर्ष भने गाउँभरि फैलिएको छ । माछापुच्छ्रे सुन्तला उत्पादक सहकारीका अध्यक्षसमेत रहेका चापागाईंका अनुसार तल्लो दोबाटामा यो समस्या गत वर्षबाट देखि थालेको हो । ‘गतवर्ष कडेनी आसपासका बगैंचामा यो समस्या देखिएको थियो,’ उनले भने, ‘अहिले सर्दै गएर गाउँभरी भएको छ ।’

उनका अनुसार सुन्तलामा २ प्रकारको रोग देखिएको छ । ‘टाइफुलेट’ जातको भाले किराले सुन्तलाको फूल र बचिला झार्ने र पाक्ने बेलामा पनि ‘ग्रिन सिटासिल्ला’ नामको भाइरसका कारण फल झर्ने समस्या व्याप्त छ । फूल लाग्ने समयमा देखिएको समस्या समाधानमा किसानले हदैसम्मको प्रयास गरे । कृषि प्राविधिकका अनुसार ‘फेरामेन ट्रयाप’ मा ‘मिथाइल युजिल’ मिलाएर राख्दा टाइफुलेट मर्थ्यो । ‘दुई वर्षयता त्यो उपाय पनि काम लागेन,’ चापागाईंले भने ।

Before Header

प्राविधिकले ग्रिन सिटासिल्लालाई मानिसलाई लाग्ने एचआईभी एड्ससँग तुलना गर्दै यो समस्या समाधान नहुने बरु नयाँ बोट रोप्नेबाहेक अरु विकल्प नभएको बताउने गरेका छन् ।

वर्षौंदेखि आर्थिक उपार्जनको मुख्य स्रोतको रुपमा रहेको सुन्तलाखेतीबाट आम्दानी घटेपछि किसानहरू समस्यामा छन् । ‘भनौं कसले घाटा पूर्ति गर्छ र भन्ने ? नभनौं वर्षभरिको आम्दानी गुमेको छ । पहेँलपुर हुने सिजनमा रित्ता बोट छन्,’ स्थानीय तिमिल्सिनाले भनिन्, ‘झरेर अलिअलि बचेकुचेका गेडा पनि बाँदर आएर सखाप पार्दियो ।’

Before Samachar
थप समाचार

कमेन्ट गर्नुहोस

Your email address will not be published.