Open Khabar
inside Article Bleow Menu Single Page

कीर्तिपुरमा बाघचाल प्रतियोगिता सुरु

INside Content

काठमाडौँ, नेपाली मौलिक खेल बाघचालको प्रवर्द्धन गर्ने उद्देश्यले कीर्तिपुरमा सोमबारदेखि प्रथम सानुमाया शेरबहादुर स्मृति खुला बाघचाल प्रतियोगिता सुरु भएको छ ।

प्रतियोगिताको पहिलो दिन चार चरणसम्मका खेलहरु सकिएका छन् । ती खेलहरुबाट पानभाइ भोटे, हरिचन्द्र तामाङ, असल प्रजापति, धर्मराज, रामकृष्ण महर्जन, दामोदर प्रजापति, गुण्डा महर्जन, भुन्टे दुलाल, लोकेन्द्र बोहरा, प्रवेशचन्द्र श्रेष्ठ र राजकुमार पाँचौँ चरणमा प्रवेश गरेका छन् ।

Before Header

यसैगरी कृष्णबहादुर महर्जन, हीरा डङ्गोल प्रेमलाल, मानवीर श्रेष्ठ, जुजुभाइ महर्जन, लक्ष्मण ताम्राकार, पञ्चुनारायण, चन्द्रबहादुर ज्याख्वा, जलजमान प्रधान र राधाकृष्ण पनि पाँचौँ चरणमा प्रवेश गरेका छन् । प्रतियोगिता स्विस लिग प्रणालीबाट खेलाइएको थियो ।

उपत्यकाव्यापी सो प्रतियोगितामा विभिन्न उमेर समूहका गरी कूल ३८ जनाले भाग लिइरहेका छ्न । जसमा भक्तपुरका ११ जना, सुदूरपश्चिमका दुईजना तथा नुवाकोट, चन्द्रागिरि र बूढानीलकण्ठ नगरपालिकाका समान एकजना छन् । केही प्रतियोगिको उमेर ८० वर्षभन्दा बढी रहेको आयोजक संस्था सघाउ नेपालका सदस्य प्रशान्त महासागरले जानकारी दिए ।

कीर्तिपुरको प्रसिद्ध १६ खुट्टे पाटीलगायत सार्वजनिकस्थलमा लोकप्रिय रहेको बाघचाल हिजो आज हराउँदै जान थालेपछि नयाँ पुस्तामा पनि यसको आकर्षण कायम राख्न प्रतियोगिताको आयोजना गरिएको सदस्य महासागरले बताए ।

प्रतियोगितामा प्रथम, दोस्रो र तेस्रो हुनेलाई क्रमशः ३० हजार, २५ हजार र २० हजार रुपैयाँ नगद पुरस्कार प्रदान गरिने जानकारी पनि आयोजकले दिएका छन् । कीर्तिपुर नगरपालिकाकी उपप्रमुख सुनिता शाक्यले प्रतियोगिताको उद्घाटन गरेकी थिइन् । प्रतियोगिताको फाइनल प्रतिस्पर्धा आगामी असोज ८ गते हुने जानकारी आयोजक संस्था सघाउ नेपालले दिएको छ ।

Before Samachar
थप समाचार

कमेन्ट गर्नुहोस

Your email address will not be published.