Open Khabar
inside Article Bleow Menu Single Page

साउदी महिला पनि सेनामा भर्ती हुन पाउने

एजेन्सी, साउदी अरबका महिलाहरू पनि अब सेनामा भर्ती हुन पाउने भएका छन्।

साउदीको रक्षा मन्त्रालयले सेनामा महिलाका लागि पनि भर्ती खोल्ने बताएको छ।

Before Header

साउदी महिलाले साउदी अरेबियन आर्मी, रोयल साउदी एयर डिफेन्स, रोयल साउदी नेभी, रोयल साउदी स्ट्राटेजिक मिसाइल फोर्स र आर्म्ड फोर्सेस मेडिकल सर्भिसेजमा भर्तीका लागि आवेदन दिन पाउने छन्।

साउदी महिलाहरू सिपाहीदेखि सर्जेन्टसम्म पदमा भर्ती हुन सक्ने छन्।

साउदी युवराज मोहम्मद बिन सलमानको भिजन २०३० इनिसियटिभ अन्तर्गत महिलाहरूलाई सेनामा भर्ती गर्न खुला गरिएको हो।

 

सेनामा भर्ती हुन महिलाहरू २१ देखि ४० वर्षका हुनु पर्छ। १५५ सेन्टिमिटर उचाइ भएका र कुनै सरकारी जागिर नखाएका महिला भर्ती हुन योग्य हुनेछन्।

भर्ती हुन हाइस्कुल उत्तीर्ण गरेकी र विदेशीसँग विवाह नगरेकी पनि हुनु पर्नेछ।

यसअघि सन् २०१८ मा साउदी महिलालाई गाडी चलाउन अनुमति दिइएको थियो।

Before Samachar
थप समाचार

कमेन्ट गर्नुहोस

Your email address will not be published.